Your address will show here +12 34 56 78
  • Text Hover
Om Vestkapp

Vestkapp ligg 496 m.o.h, og er eit av dei mest spetakulære utsiktspunkta på kysten av Noreg. Fjellklippa er nesten flat på toppen og stuper bratt ned i havet. Området er kjent for skiftande vêr, frå speilblankt hav til storm og orkan. I løpet av kort tid kan tåke legge seg over Vestkapp og forsvinne. På godevêrsdagar har ein panoramautsikt i alle himmelretningar, til Sunnmørsalpane, Hornelen, Ålfotbreen og det frykta Stadhavet. Om sommaren kan ein òg møte sau og hest på sommarbeite i dette vakre naturområdet.

Sjøvegen rundt Stad og Vestkapp er berykta for sine straumar og raskt skiftande vêr. Mange skip har diverre enda ferda si i disse farvatna, som omtalast som eit av dei mest vêrharde områda i Noreg. Dette er hovudgrunnen til at ein no planlegger å byggje Stad Skipstunnel. 

I Vestkapphuset finn du Vestkapp Restaurant. Her kan du nyte ein betre, lokal lunsj og middag med ei fantastisk utsikt i skiftande vêrforhold!
  • Storm på Stad
  • Text Hover
Radar Stad

På toppen av Vestkapp står «Radar Stad». Dette er ein av meterologisk institutt sine vêrradarar. Den har stått der sidan oktober 2009 og er den åttande vêrradaren i landet. Radar Stad er reist som ei stor, kvit kule på eit tårn av naturstein. Steinen som er brukt til å bygge tårenet er funnet i Selje kommune. 

Tårnet framstår som ein skulptur i det opne landskapet ved havet og har blitt eit kjennemerke på Vestkapp. 
Korleis kome seg til Vestkapp? 

Vestkapp ligg ytterst på Stadlandet. Det tar ca. 20 min med bil frå Leikanger, ca. 40 min frå Selje og 1,5 timar frå Nordfjordeid eller Måløy.  På vegen til Vestkapp køyre du forbi Ervik. Ervik er òg ein fin plass å stoppe med St. Svitun kappelet eller den flotte bade/surfestranda: Erviksanden. 

Vegen opp til Vestkapp er smal, men har god vegsikt oppover og nedover. Det er ikkje bompengar på vegen. Vegen opp til utsiktsplatået er stengt om vinteren, men om vêret er bra kan du gå frå FV633 (ca. 3 km).

Det er mogeleg å kome seg opp til Vestkapp med bobil og buss. 
  • Google maps